Koherentea al da hurrengo testu hau?

Has zaitez lanean. Jarraian 3. mailako ikasle batek idatzitako testu bat irakurri ahal izango duzu. Testua koherentea den ala ez erabaki behar duzu. Koherentea ez dela erabakitzen baduzu, arrazoitu beharko duzu. Trankil egon, ez da hain zaila izango . Eskolan irakasleak lagunduko dizu, ezin bazara joan eskolari galdetu irakasleari zertan geratu den kontua.

ARGAL EGOTEA = ARRAKASTA?

Larunbata, goizeko hirurak ziren eta ni artean loak hartu ezinean nenbilen. Egia aitortzera, oso egun kaskarra izan nuen, lanean kontuak ez baitoazkit nik nahiko nukeen bezain ondo. Beste buelta bat ohean, baina alferrik. Arraro egin zitzaidan, ez bainaiz ni ohean bueltaka ibiltzen direnetakoa, baina egun honetan, nonbait, hala suertatu zitzaidan. Azkenean , altxatzea erabaki nuen, izan ere, telebista ikusten loak hartuko ninduelakoan nengoen. Telebista piztu nuen eta “zaping”-a egiten hasi nintzen. Zorioneko teletiendako iragarkiak! pentsatu nuen nire artean. Lotsagarria iruditu zitzaidan ordu hauetan teletienda baino ez egotea. Hori dela eta, ez zait batere arraro egiten, telebistaren nondik-norakoak aztertzen direnean, programagileak kritikatzea, izan ere, uste baitut ordu hauetan bestelako programak ere (kulturalagoak alegia) eman ahalko lituzketela. Kontua da telebista piztu nuela eta han ikusi nuela argaltzeko krema magiko bat, izugarrizko makina bat ariketa fisikoa egiteko, pilulak gosea kentzeko…etab . Hau ikustean konturatu nintzen iragarki guztiak emakumeei zuzenduta zeudela, eta diot nik: ez da izango hedabideek zerbait berezia nahi dutela? (eta hemen ez nago hitz egiten materiala den zerbaiti buruz, baizik eta askoz ere mugagabeagoa den gauza bati buruz) hots, hedabideek gu geu argal egotera bultzatzen gaituzte eta bizitza honetan arrakasta lortzeko argal egotea nahitaezkoa dela pentsarazi digute. Benetan, lotsagarria. Arrazoi asko aipa nitzake horrela pentsatzeko baina hona hemen , nire ustez argienak:

Lehenengo eta behin aipatzeko modukoak dira aldizkariek eta nutrizionistek gomendatzen dituzten dietak sor ditzakeen aldeak.(???). Beno, zehatz dezadan, batez ere, uda heltzearekin batera kiosko guztietan aurki ditzakegu hamaika aldizkari honako hau esaten dutenak: “10 kilo galdu aste bakar batean. Egunero zainzuriak janez gero, lor daiteke!”. Gero, nutrizionistarenera joatean denetarik ( hiru pieza fruta, barazkiak, arraina, etab) jan behar dugula esan ohi digu. Alegia, hedabideetan agertzen diren dietak, normalean, arriskutsu baino arriskutsuagoak dira, ez baitiogu gorputzari behar duena ematen. Cosmopolitan, eskerrik asko, gure osasuna arriskuan jartzeagatik!!.

Jakina, hau ez dute egiten benetan interesatzen zaielako gu osasuntsu egotea, baizik eta udan aldizkariak saltzea nekezagoa delako, eta beraz jendearen arreta erakartzeko bide egokia ikusten dutelako.

Era beran, teleberriak ikustea baino ez dago argaltzeko obsesioa gero eta zabalduago dagoela konturatzeko. Adibide esanguratsua AEBn n gertatu dena da. Han, azken hilabeteotan bi neska hil dira anorexiak jota, hau da, beren burua lodi ikusten baitzuten. Batak modeloa izan nahi zuenez, berrogei kilo pisatzera heldu zen. Besteak, kilo batzuk soberan zeukanez eskolan irainak, zein jipoiak pairatu behar izaten zituen , horren ondorioz , jateari uztea erabaki zuen, heriotza aurkitu arte.

Neure buruari galdetzen diot nola demontre ikusi ahal duen pertsona batek bere burua eder 40 kilo izanda. Jakina honek historian zehar egondako estetika ereduekin lotura estua du, zeren eta garai batean edertzat jo zitekeena beste garai batean itsusitzat hartu ahal den. Eredu estetikoak etengabe aldatzen dira, eta horren aurrean ezin dugu ezer egin.

Arestian aipatu dudan bezala , azkenean bizitzan zoriontsuak eta lanean arrakasta lortu nahian edozer erosteko gauza gara. Gizartean onartuta gaudela sentitu nahi dugu. Hori dela eta, ehun euroko pilula ez ezik, logelan sartu ezin den ariketa fisikoa egiteko makina ere erostera hel gaitezke. Hots, zoriontsua izatearren, edozer kaka erostera bultzatzen gaituzte hedabideek.

Garai batean gure amak kirola egin nahi izan zuen. Gimnasio batean eman zuen izena. Arropa erosi eta 5 aste beranduago gehiago ez joatea erabaki zuen. Hau jende askori gertatzen zaiolakoan nago. Are gehiago, esango nuke gimnasioak fenomeno horretaz baliatzen direla, urtean zeharko “klientela egiteko”.

Horrenbestez, esandako guztiarekin batera argi dago hedabideak gure bizitzaren hariak mugitzen saiatzen direla, ez utzi, hari horiek apurtu eta ez ahaztu argaltzeko formula magikorik ez dela existitzen.